ئەڤرۆ نێچيرڤان بارزانى، سهرۆكێ ههرێما كوردستانێ ل تەهران ل گەل عهلى ئهكبهر ئهحمهديان، ئهميندارێ جڤاتا بلند یا ئاسايشا نيشتمانيیا ئیرانێ كۆمبوو.
د كۆمبوونێدا ل دۆر ڕەوشا ئێمناهی و هاريكارى و ههماههنگيیا كۆمارا ئيسلاميیا ئیران و عیراق و ههرێما كوردستانێ بۆ پاراستنا ئارامى و سهقامگێرییێ، مهترسييێن ئێمناهیێ یێن دەڤەرێ گوتۆبێژكرن.
ههردوولایان دووپات ل هاريكاريیا هەڤپشك و ههماههنگيیا لايهنێن پهيوهنديدار یێن ههردوو وەلاتان ژ پێخەمەت ئارامى و ئاسايشێدا كر.
د كۆمبوونێدا ئهميندارێ جڤاتا بلند یا ئاسايشا نيشتمانيیا ئیرانێ، پشتەڤانییا وەلاتێ خۆ بۆ عیراقێ و ههرێما كورستانێ دیاركر، و نێچيرڤان بارزانی ژی دووپات ل هندێ كر، كو ههرێما كوردستانێ وهك هەردەم فاكتهرێ ئارامى و سهقامگيرییێ بیت.
