سەرۆکێ دەستەیا وەبەرهێنانێ ل هەرێما کوردستانێ ڕاگەهاند، کابینا نه‌هێ گه‌له‌ك یا ڕژدە کوردستانێ د گه‌له‌ك واران دا پێشڤە ببه‌ت، ب تایبەتی د کەرتێ چاندنێ، کو مه پێدڤی ب تەکنەلۆجیا نوو و ڕێكێن نوو یێن چاندنێ هه‌یه.
د. محەمەد شوکری، ئه‌و ژی گۆت: پشكدارییا مە وەکو دەستەیا وەبەرهێنانێ ب لۆگۆیێ تایبەتێ کوردستانێ و ب ئاڵایێ تایبەتێ کوردستانێ وەکو لایەنه‌كێ سەرەکییێ هەرێما کوردستانێ وەکو دەوڵه‌ته‌كێ و پشكه‌ک ژ عێراقێ و پاشی وەکو لایەنه‌كێ وەبەرهێنانێ یێ جۆدا دهێته دیتن، مه پشكداری د گۆپیتكا ئه‌بو زه‌بی دا کرییە.
ناڤهاتی گۆت ژی: “ئەڤ گۆپیتكە گاڤه‌كا زۆرا کاریگەر و ڕژدە، بۆ داهاتییێ وەبەرهێنانێ ل کوردستانێ، هەرێما کوردستانێ دەرفەتێن زۆرێن وەبەرهێنانێ یێن گرنگ هەنە، سەرۆکوەزیران زۆر یێ ڕژدە كو ئه‌م د زۆر واران دا بەرەف پێشڤە بچین، ب تایبەتی د کەرتێ چاندنێ دا.
