ئه‌ڤرۆ چارشه‌مبی” پێشه‌وا هه‌ورامانی” په‌یڤدارێ حكومه‌تا هه‌رێما كوردستانێ دیاركر: د ده‌مێ 15 رۆژان دا دێ دانوستاندنێن ب هه‌میشه‌ییكرنا فه‌رمانبه‌رێن گرێبه‌ست دناڤبه‌را هه‌رێما كوردستانێ و حكومه‌تا فیدرالى دا دێ هێنه كرن و گۆت ژی: د نوكه دا چ ئاسته‌نگ به‌رامبه‌ر هنارتنا مووچه‌یێن فه‌رمانبه‌رێن هه‌رێما كوردستانێ نینن.
ناڤهاتی گۆت ژی: تیمه‌ك هاتییه پێكئینان كو بۆ ده‌مێ 15 رۆژان دێ پۆلینكرنا فه‌رمانبه‌رێن گرێبه‌ست یێن هه‌رێمێ ئه‌نجامده‌ت و دێ دانوستاندنان ل گه‌ل به‌غدا بۆ ب هه‌میشه‌ییكرنا فه‌رمانبه‌رێن گرێبه‌ست كه‌ت و نوكه ” پتر ژ 30 هزار فه‌رمانبه‌رێن گرێبه‌ست ل هه‌رێما كوردستانێ هه‌نه هه‌روه‌سا” “مه نه‌گۆتییه مه دوژمناتى ل گه‌ل ته‌وتینێ هه‌یه و ل دووماهییێ هه‌ژمارا من و ته‌وتینێ ئێك ئه‌نجام هه‌بوویه و د نوكه دا به‌نكا بازرگانىیا عیراقێ TBI هاتییه دناڤ پرۆژێ هه‌ژمارا من دا”.
پیشه‌وا هێشتا دبێژیت: نوكه چ ئاسته‌نگ به‌رامبه‌ر هنارتنا مووچه‌یێن فه‌رمانبه‌رێن هه‌رێما كوردستانێ نینن كو به‌رى نوكه دو ئاسته‌گ هه‌بوون” ئه‌و ژى داهاتێ ناڤخۆ و بابه‌تێ بانكێ بوون و نوكه هه‌ردو هاتینه چاره‌سه‌ر كرن، مه پێگیرییێن خۆ بجهئیناینه و چاڤه‌رێى هنارتنا مووچه‌یی دكه‌ین” هه‌روه‌سا حكومه‌تا هه‌رێمێ بزاڤان دكه‌ت گه‌نمێ جۆتیارێن هه‌رێما كوردستانێ وه‌كى ده‌ڤه‌رێن دى یێن عیراقێ بهێته وه‌رگرتن” ل دۆر هنارتنا نه‌فتا هه‌رێما كوردستانێ دیار كر “تێچوویێن به‌رهه‌مئینانا نه‌فتێ ئاسته‌نگا ئێكانه‌یه د رێیا هنارتنا نه‌فتێ دا”.
