هەر ئێك ژ کۆمپانیا نەفتێ یا كۆمپانییا شاماران و گەنەل ئێنێرجی راپۆرتا دارایی یا هەیڤێن بووری ل ئەڤسالە بەلاڤكر و ڕاگەهاند، کۆمپانیا نەفتێ یا شاماران کو ل هەرێما کوردستانێ ل هەردوو زەڤیێن ئەتروش و سەرسنك کاردکەت، كو ڕۆژانە 57 هزار بەرمیلێن نەفتێ ل زەڤیێن نەفتێ ل دهۆکێ بەرهەمدئین.
شاماران دیاركر، ب ئەگەرێ فرۆتنا نەفتێ ل ناڤخۆ یا هەرێما كوردستانێ ل دەستپێكا ئەڤسالە 18.3 ملیۆن دۆلار داهاتی هەبوو، دائێخستنا بۆریا نەفتێ کوردستان- جەیهان ل هەیڤا سێ یا سالا 2023ـێ کاریگەری ل سەر کار و چالاکییان كریە، بەردەوام د پەیوەندیان داینە ل گەل بەرپرسێن هەرێما کوردستان و عیراقێ بۆ چارەسەرکرنا ئەوی بابەتی.
هەروەسا كۆمپانیا گەنەل ئێنێرجی كو ل كەرتێ وزەیا هەرێما كوردستانێ كاردكەت دیاركر، د هەیڤێن بووریدا ل ئەڤسالە د ڕەوشەكا باش یا دارایی دا بووین و ڕۆژانە 76.31 هزار بەرمیلێن نەفتێ ل زەڤیا تاوکێ و پێشابوور هاتینە بەرهەمئینان و فرۆتنا نەفتێ د بازاڕیدا یا بەردەوامە.
