ئەڤرۆ نێچيرڤان بارزانى، سهرۆكێ ههرێما كوردستانێ پێشوازى ل ئەزرا زییا، بریکارا وەزارەتا دەرڤە یا ئەمریکا بۆ کاروبارێن ئاسایشا سڤیل و دیموکراسی و مافێن مرۆڤی كر.
د كۆمبوونێدا دووپات ل پاراستنا مافێن مرۆڤی، پێشڤەبرن ب ديموكراسى و ئازاديێ ل ههرێما كوردستانێ كر، ههروەسا ڕۆل و كاريگهريیا ڕێكخراوێن نەحكومی ل جڤاكی، ڕەوشا ئاواره و پهنابهران و پێكهاتهیان گوتۆبێژ بكەن.
ههردوو لایان دانوستاندن ل دۆر تێبينى و كێماسی د بیاڤێ مافێن مرۆڤی و ئازادی كر و د هەڤڕا بوون ل سهر گرنگيیا بهردهواميا هاريكاريیا هەڤبهش یا لايهنێن پهيوهنديدار بۆ باشتركرنا ئهو بیاڤێن ل ههرێما كوردستانێ، ههروهسا داكۆكی ل پێشڤەبرنا ب بها هەڤبەش و پاراستنا مافێن پێكهاتەیێن نهتهوهيى و ئايينی كر.
بریکارا وەزارەتا دەرڤە یا ئەمریکا، ئامادهييا لايهنێن پهيوهنديدار یێن وەلاتێ خۆ بۆ هاریكاریكرنا ههرێما كوردستانێ ژ پێخەمەت پێشڤەبرنا ب بیاڤێن مافێن مرۆڤی و ئازادی و ديموكراسى و ڕۆلێ ياسا دەربڕی و ههرێما كوردستانێ ب هەڤبەشەكا گرنگ بۆ ئهمريكا قهلهم دا.
هەروەسا ڕهوشا ئێزدييان و گرنگيیا بجهئینانا ڕێككەفتنێن حكومهتا ههرێما كوردستانێ و حكومهتا عیراقا فيدرال بۆ ئاساييكرنا ڕەوشا شنگالێ، هەلبژارتنێن پهرلهمانێ كوردستانێ، ڤەگەڕاندنا ئاوارهیان، ژيانا ئاوارەیان د كۆمبوونێدا هاتنە باس كرن.
