سەرۆكێ هەڤپەیمانییا حەمۆرابی ڕاگەهاند، هەڤپەیمانییەكا نوی ب ناڤێ ( هەڤپەیمانییا مەسیحی ) ل كوردستانێ هاتە دامەزراندن كو پێكهاتێن ئەرمەن، كلدان، ئاشوور و سریانی ب خۆڤە دگریت.
ئەڤرۆ ڕۆژا شەمبی ئانۆ جەهوەر، سەرۆكێ هەڤپەیمانییا حەمۆرابی ل هەژمارا خۆ یا تۆڕا جڤاكی یا فەیسبووك ڕاگەهاند، ” جڤاتا سیاسی یا هەڤپەیمانییا حەمۆرابی ب ئامادەبوونا نوینەرێن ئەرمەنان ل كۆمەلا برێڤەبرنا كۆمەلگەها ئەرمەنستان، ئەرسۆدۆكس و كەلتوورێ ئەرمەنی، پێشوازی ل برایێن ئەرمەنی هاتەكرن بۆ پەیوەندیكرنێ ب هەڤپەیمانییا حەمۆرابی و پشتی گوتوبێژەكا هەمەلایەنی، رێككەفتن هاتەكرن ل سەر پێكئینانا هەڤپەیمانییەكا سیاسی ل گەل ناسناما نەتەوا مەسیحی ب ناڤێ ( هەڤپەیمانییا مەسیحی ). “
دیار ژی كریە، ئەڤ هەڤپەیمانییە بۆ كاركرنا سیاسی یا هەڤپشكە و دێ بیتە مالەك بۆ ئەرمەن، كلدان، سریان و ئاشوورییان.
