کونسولێ گشتییێ فرەنسا: هیڤیدارم د ده‌مه‌كێ نێزیکدا پێکڤە ل گەل ئیدارا زاخۆ کار بکەین

کونسولێ گشتییێ فرەنسا ل هەرێما کوردستانێ، سەرسامییا خۆ بەرانبەر  جوانی سروشت و گەشه‌كرنا باژێرێ زاخۆ دەربری و گۆت: جهێ باژێرێ زاخۆ پێگەهه‌كێ ب هێزێ بازرگانی و گەشتیاری بۆ وی باژێری دروست کرییە.

یان برایم، کونسۆلێ گشتییێ فرەنسا گۆت ژی: ئەڤە جارا ئێكێیە سەره‌دانا زاخۆ دکەم، ب ڕاستی ب جوانی و پێشکەفتنێن ڤی باژێری سەرسام بووم، سەرسامم ب وان پرۆژە و کارێن بۆ ڤی باژێری هاتینه‌ کرن.

کونسولێ فرەنسا سەرسامییەکا تایبەت بەرامبەر مێژوو و سیمایێ پرا زاخۆ و چێكرنا کۆرنیشی و بازاڕێ مێژوویی ل وی باژێری دەربڕی و گۆت: ئه‌ڤه‌ هەموو گه‌له‌ك سەرنجڕاکێشن، هەر وەکو دیار، ئه‌م نێزیكی سنوورێ تورکیاینه‌، و ئەڤه‌ وه‌ دكه‌ت ئه‌ڤ باژێره‌ ببیته‌ سەنتەره‌كێ سەرەکی بۆ بازرگانی و گەشه‌كرنا ئابووری و گەشتیاری و گۆت ژی: هیڤیدارم د ده‌مه‌كێ نێزیکدا هاریکارییا ئیدارا سەربەخۆیا زاخۆ بكه‌ین و پێکڤە کار بکەین.”