پەیڤدارێ سەرۆکایەتییا هەرێما کوردستانێ ل دۆر ئەنجامدانا هەلبژارتنێن هەرێما كوردستانێ گۆت،” ئەم چاڤەڕێ پێنگاڤێن كومسیۆنێ نە.”
دلشاد شەهاب، پەیڤدارێ سەرۆکایەتییا هەرێما کوردستانێ ل کونسۆلخانەیا گشتییا تەهرانێ ل هەولێرێ ڕاگەهاند: چاڤەڕێ دهێتەكرن د ئەڤان ڕۆژاندا كومسیۆن كۆمبیت و دێ پێداچوون ب بەرنامەیێ هەلبژارتنان دا هێتەكرن و ئەم چاڤەڕێ بڕیارا واناینە.
دلشاد شەهاب دیاركر، هەتا نوكە كومسیۆن یا پابەندە ب وی دەمێ بۆ هاتیە دیاركرن، ئەگەر نەشێن د وی دەمیدا هەلبژارتنان ئەنجام بدەین، دڤێت مە ئاگەهدار بكەن، كەنگی ژی كومسیۆنێ ئەم ئاگەهداركرین دێ دەمەكێ نوی بۆ ئەنجامدانا هەلبژارتنان هێتە دیاركرن.
