ئێڤارییا ئەڤرۆ دووشەمبی نێچیرڤان بارزانی، سەرۆكێ هەرێما كوردستانێ، پشكداری د (كۆنگرهیێ یاسایی بارێ كەسى بۆ كرستیيانان ل عیراق) دا كر كو ل زانکۆیا کاسۆلیکی ل ههولێرێ ڕێكخستبوو.
د كۆنفرانسەكێدا كو ژمارەك ژ وەزیر و بەرپرسێن هەرێما كوردستانێ و ئەكادیمی و كەسایهتيیا ئاینى ل ناڤخۆ و دەرڤەیی عیراقێ ئامادە بوون، نێچیرڤان بارزانی گۆتارەك پێشكێشكر.
سەرۆكێ هەرێما كوردستانێ دیاركر، ئەم هەمی پشتەڤانییێ ل ئەڤی كۆنگرەیی دكەین، ژبەركو ب مەرەما دابینكرنا مافێن ڕەوا یێن مەسیحییانە، ب دیالۆگ و ب شێوەكێ یاسایی و دەستووری ل سەر ئاستێ هەمی عیراقێ، ئەم هەردەم پشتەڤانییێ ل داخوازی و مافێن مەسیحی و هەمی پێكهاتەیەیێن عیراقێ دكەین.
نێچیرڤان بارزانی گوت ژی، د هەمی بابەتێن بارێ كەسیدا، دڤێت چارەسەرییەك هەبیت ل دویڤ خواستییا مەسیحییان و گونجایی بیت ل گەل بنەمایێن پێكڤەژیان و یەكسانی د مافێن وان دا بۆ هەمی پێكهاتەیێن عیراقێ. نابیت ب ناڤێ یاسا و ب ڕێكا یاسایی، ئاریشە و ئالۆزییان ل ناڤ پێكهاتەیێن مەسیحی بهێتە دروستكرن، ئەم نە ل گەل ئەوێ نەدادی و نەیەكسانییێ نینین، ئەو مافەكێ دەستوورییە كو مەسیحی ل سەر بنەمایێ ئایین و باوەرییان، ئازاد بن د كاروبارێن كەسی یێن خۆدا.
نێچیرڤان بارزانی، سەرۆكێ هەرێما كوردستانێ داخواز ژ ئێكەتییا زانایێن ئاینێ ئیسلاما كوردستانێ و هەمی زانایان و زەلامێن ئاینی ل هەرێما كوردستانێ و عیراقێ ب گشتی دكەین، د هاریكار بن د چارەسەركرنا ئەو ئاریشەیێن ب ئەگەرێ بجهئینانا یاسایان ل ڕەوانگەیا ئاینێ ئیسلامی، بەرهەنگاری مەسیحییان دبن.
