وەزارەتا داراییا هەرێمێ پشكەك ژ داهاتێ ناڤخۆ ئێخستنە سەر هژمارا وەزارەتا داراییا عیراقێ

نیڤەك ژ داهاتێ باج و ڕەسمێن گۆمركێ یێن هەیڤا شواتێ یێ هەرێما كوردستانێ، ئەڤرۆ ئێخستە سەر هژمارا بانكییا وەزارەتا داراییا عیراقێ.

وەزارەتا دارایی و ئابووری یا حكومەتا هەرێما كوردستانێ ڕاگەهاند، ئەڤرۆ كۆژمێ 85 ملیار و 199 ملیۆن و 634 هزار دینار ژ داهاتێ ناڤخۆ یێ هەرێما كوردستانێ بۆ هەیڤا شواتێ، ب شێوەكێ نەختینە ئێخستە سەر هژمارا بانكییا وەزارەتا داراییا عیراقێ ل لقێ هەولێر بانكا ناڤەندییا عیراقێ.