وەزارەتا بازرگانییا عێراقێ دیار كر: د ماوێ کێمتر ژ 24 ده‌مژمێران دا دێ مافێ هەموو ئەوان جۆتیاران دەن یێن کو گەنمێ خۆ ڕادەست دکەن و دێ گەهنە وەزارەتا بازرگانی.
رێڤەبەرێ گشتییێ کۆمپانیا دانەوێڵە ل وەزارەتا بازرگانییا عێراقێ ڕاگەهاند، ب ڕاسپاردێن هەر ئێک ژ سەرۆکوەزیرێن عێراقێ محەمەد شیاع سوودانی، ل گەل ئەسیرغەریری وەزیری بازرگانییێ، هەموو ئەو گەنمێ ژ جۆتیاران دهێته وەرگرتن کو هاتییه دیارکرن، بۆ ئاسانکارییا پتر بۆ جۆتیاران، کێمتر ژ 24 ده‌مژمێران پشتی ڕادەستکرنا گەنمێ خۆ، دێ پارێ وان جۆتیاران هێته دان.
ئه‌و ژی گۆت: هەر جۆتیاره‌كێ گەنمێ خۆ ڕادەستی سایلۆیێ دكه‌ت، نموونا وی گەنمی دهێته هنارتن بۆ تاقیگەهێ، پشتی دەرچوونا وی گه‌نمی ژ تاقیگەهێ، پسوولەک دهێته دان بۆ وان جۆتیارێن دبه‌نه یەکەیا ژمێریاری بۆ هندێ پارە بۆ بهێته خەرجكرن و ڕۆژانە لدووڤ گه‌نمی پارە ژ لایێ وەزارەتا داراییڤە دهێته تەرخانکرن.
