ئەڤڕۆ ئێکشەممە، 23 ی خزیرانا 2024 ێ” دو وەزارەتێن عێراقێ کۆمەكا رێكاران به‌لاڤكرینه بۆ بەرهنگاربوونا وێ پێلا دژوار یا گه‌رمێ، کو پێشبینی دهێته کرن پلەیێن گەرمێ بگه‌هنه پتری 50 پلەیێن سیلیزی.
وەزارەتا ژینگەها عێراقا فیدرال، بۆ ڕێگریکرنێ ل هشکبوونا پیستی و سووتنا ل به‌ر رۆژێ ل ڕۆژێن گەرمێ دا، کۆمەكا رێكاران به‌لاڤكرینه و داخوازێ ژوه‌ڵاتییان دكه‌ت، جلوبەرگێن ڕەنگێ تاری بکەنه به‌رخۆ، داكو جەستەیێ وان ب باشی بگریت، هەروەسا بکارئینانا کرێما دژی تاڤێ و خۆ دوورگرتن ژ بەرکەفتنا ڕاستەوخۆ یا تیشکا رۆژێ ل نیڤرۆیان.
هه‌روه‌سا وەزارەتا ساخله‌میا عیراقێ، داخوازێ ژ خودانێن دوکانان و خودانێن ئەوان جهان دكه‌ت یێن كو خوارنێ و ڤه‌خوارنێ دفرۆشن ل پلەیا گەرما گونجایدا خوارنان بهێلن و نەئێخنە بەر تیشکا تاڤێ بۆ پاراستنا ساخله‌مییا وه‌لاتییان.
