نیشانێن كێمبوونا ئاسنی دناڤ لەشی دا

ئاسن ئێك ژ كانزایێن گرنگە بۆ لەشێ مرۆڤی و كێمبوونا وی دبیتە ئەگەرێ دروستبوونا چەندین ئاریشێن ساخلەمییێ، ژوان:

1- وەستیانا زێدە: ژ بەربەلاڤترین نیشانێن كێمبوونا ئاسنی یە، ل گەل وێ ژی هەستكرن ب لاوازییێ، تێكچوونا ڕەوشا دەروونی و ئاستەنگ د بیردانكێ دا دروست دبن.
2- پێتیبوونا ڕەنگێ پیستی: ب تایبەت ل دەوروبەرێن چاڤی، ئێك ژ نیشانێن كێمبوونا ئاسنی یا ناڤنجی یان زێدە یە.
3- بێھن تەنگبوون: ل دەمێ بەرهەمئینانا هيموگلوبينی كێم دبیت، ڕامان ئەوە ماسۆلكە ڕێژا پێدڤی یا ئۆكسجین وەرناگرن داكو فرمانێن خۆ بجهبینن، ئەڤە ژی دبیتە ئەگەر كو وەستیانا زێدە ل دەڤ مرۆڤی پەیدا ببیت هەتا بڕێڤەچوونا ئاسایی ژی.
4- سەرئێشان و گێژبوون: ژبەركو ڕێژا پێدڤی یا ئۆكسجینی ناگەهیتە مێشكی.
5- زێدەبوونا لێدانێن دلی: كێمبوونا هيموگلوبينی دبیتە ئەگەر دل زێدەتر لێبدەت داكو قەرەبوویا كێمبوونا ئۆكسجینی بكەت، ئەڤەژی دبیتە ئەگەرێ تێكچوونا لێدانێن دلی.
6- هشكبوون و لاوازبوونا پیستی پرچێ.
7- وەرمتن و سۆتنا دەڤی و ئەزمانی.
8- لاوازبوونا نینۆكان.
9- هەستكرنا بەردەوام ب ترسێ.
10- ساربوونا دەست و پێیا.

ژێدەر: ویب طب