د.عه‌لى ته‌ته‌ر، پارێزگارێ دهۆكێ ئه‌ڤرۆ ل سه‌رۆكاتییا باژێرڤانیا دهۆكێ كۆمبوونه‌ك ل گه‌ل جڤاتا باژێرڤانیا دهۆكێ ئه‌نجامدا .
دكۆمبوونێدا به‌حسێ پرۆژێن حكومه‌تا هه‌رێما كوردستانێ ئه‌وێن ل پارێزگه‌هێ دهێنه ئه‌نجامدان ب تایبه‌تى ئه‌و پرۆژێن ل سه‌نته‌رێ سه‌رۆكاتییا باژێرڤانیا دهۆكێ دهێنه ئه‌نجامدان و پێدڤیێن خه‌لكێ سه‌نته‌رێ باژێرى ب پتر پرۆژێن خزمه‌تگوزارى هاته كرن.
دته‌وه‌ره‌كێ دی دا به‌حسێ چاوانیا ڕێكخستنا جاددا و جهێن گشتى وگه‌شتوگوزارێ و جوانكرن و پاقژراگرتنا وان جها ب ره‌نگه‌كێ باژێرڤانی ل ناڤ سه‌نته‌رێ باژێرى و نه‌هێلا زێده‌گاڤیا وگه‌هاندنا خزمه‌تگوزاریا ب یه‌كسانى بۆ هه‌می تاخ و جها هاته كرن.
پارێزگارێ دهۆكێ دووپات ل سه‌ر جوانى وپاقژراگرتنا هه‌می جەهـ و تاخێن باژێرى وجهێن گه‌شتیارى و پاراستنا كه‌سكاتى و ژینگه‌هێ كر ، هه‌روه‌سا دیاركر كو ئاسانكارى ل دووڤ یاسا و ڕێنمایێن حكومه‌تا هه‌رێمێ بۆ برێڤه‌به‌رنا مامه‌لێن وەلاتییان بهێنه كرن و پشته‌ڤانسیا پارێزگه‌هێ بۆ هه‌ر هاریكاریه‌كێ نیشاندا .
