دلشاد شەهاب، پەیڤدارێ سەرۆکایەتییا هەرێما کوردستانێ د کۆنفرانسەكێ ڕۆژنامەڤانیدا لدۆر ڤەگەڕاندنا ئاواران بۆ دەڤەرێن وان ڕاگەهاند، ئاوارە مێهڤانێن هەرێما كوردستانێ نە، ب ئەگەرێ ڕەوشەكا نەچاڤەڕێكری هاتینە دەف مە، هەرێما كوردستانێ د دژوارترین ڕەوشدا دەرگەهـ بۆ ئاوارێن دەڤەرێن دی یێن عیراقێ ڤەكرییە، كو ئەوی دەمی ئەم ل ژێر هێرشێن تیرۆر و فشارەكا ئابووری یا ب زەحمەت دا بووین.
هەروەسا دیاركر، نوكە ئەم ژ هەمی دەما زێدەتر حەزدكەین ڕەوشا جهێن ئاكنجیبوونا ئاوارەیان گونجای تر بیت بۆ هندێ بشێن ڤەگەڕن، نە مە كەس ب زۆری ئینایە ڤێرە و نە كەسێ ب زۆری دێ فرێكەین، ئەو بخۆ ب ئیرەدەیا خۆ هاتینە و چ لۆژیك قەبیل ناكەن هەرێما كوردستانێ ڕێگر بن ل بەردەم ڤەگەڕاندنا ئاوارەیان.
دلشاد شەهاب ئەو چەندە ژی دیاركر، ل دەمێ هێرشا تیرۆری دا، مە دەرگەهێن زالگەهان ل چ ئاوارەیان نەگرتییە و بێ چ پشكنین بۆ دەهان هزار ئاوارەیان دەرگەهـ ڤەكرییە و بخێرهاتنا وان كرییە.
