مەسرور بارزانی، سەرۆكێ حكومەتا هەرێما كوردستانێ د پەیامەكێدا ئاماژە ب ڕوونكرنا ئەڤرۆ یا دادگەها فیدرال ل دۆر پرۆژەیێ هەژمارا من كر.
دەقێ پەیاما سەرۆكێ حكومەتا هەرێما كوردستانێ؛
پێشوازییێ ل روونكرنا ئەڤرۆ یا دادگەها بلند یا فیدرالی دكەم ل دۆر پشكداربوونا بانكێن حكومی و تایبەت د پرۆسا بانكیكرنا مووچەیێ هەرێما كوردستانێ #هەژمارا_من.
وەك هەردەم من داكۆكی كرییە، كو دڤێت وەلاتییێن هەرێما كوردستانێ هەمان مافێ پشكێن دی یێن عیراقێ هەبیت د هەلبژارتنا ئەوان بانكێن دڤێن بۆ وەرگرتنا مووچەی، ب ئەوی مەرجی بانك ژ لایێ بانكا ناڤەندییا عیراقێ@CBIiraq مۆلەت وەرگرت بیت و هاتبیتە پەسەندكرن. ڕوونکرنا ئەڤرۆ ئەوا مافێن بنەرەت دووپات كر.
داخواز ژ مووچەخۆرێن هەرێما کوردستانێ دكەم ب زویترین دەم خۆ تۆماربكەن.
ئەڤ پێشكەفتنا ئەڤرۆ، زێدەتر مە هانددەت پرۆسا #هەژمارا_من بلەزتر بکەین و سوزا مە بجهبینن كو هەتا دووماهییا ئەڤسالە، ئێك ملیۆن مووچەخۆر ببنە خودان هەژمارا بانکی. هەروەسا پشتڕاستییا زێدەتر ب پەیوەندییێن دناڤبەرا هەولێر و بەغدا ددەت و ڕێكێ بۆ چارەسەرکرنا ناکۆکی یێن دی خۆش دكەت.
مەسرور بارزانی
سەرۆكێ حكومەتا هەرێما كوردستانێ
03-07-2024
