جڤاتا وەزیرێن هەرێما كوردستانێ ب سەرپەرشتییا مەسرور بارزانی، سەرۆكوەزیرێن هەرێمێ ئەڤرۆ كۆمبوون و چەندین تەوەرێن گرنگ هاتنە بەحسكرن.
ناڤەڕۆكا كۆمبوونا ئەڤرۆ یا جڤاتا وەزیران؛
د بڕگا ئێكێ یا كۆمبوونێدا، ئاوات شێخ جەناب، وەزیرێ دارایی و ئابووری د ڕاپۆرتێکدا ب داتا و زانیاریی بابەتێ وەكهەڤییا مووچەیێ خانشینێن هەرێما کوردستانێ ل گەل وەكهەڤییان ل حكومەتا فیدرال بەرچاڤكر، د ڕاپۆرتا تیما هەڤپشك یا هەردوو دیوانێن چاڤدێرییا دارایی پێشنیاركر كو ل هەرێما كوردستانێ هەڤشێوەی دەڤەرێن دی یێن عیراقێ، کار ب یاسایا ژمارە نەهـ یا سالا 2014ـێ بهێتەكرن ب ئاراستەی یەکسانيیا مووچەی و ئیمتیازات و شایستەیا دارایی یا خانەنشینان كو ژمارەیا ل هەرێما کوردستانێ 277 هزار و 541 کەسن و خەرجییا سەرجەمێ مووچەیێ هەیڤانە یێ نوكە 122 ملیار دینارە، ئاماژە ب هندێ كر ل هەرێمێ کێمترین كۆژمێ مووچەیێ خانەنشینان 220 هزار دینارە، د دەمەكیدا كێمترین مووچە ل دەڤەرێن دی یێن عیراقێ 500 هزار دینارە.
سكرتێرێ جڤاتا وەزیران هویركارییێن جودا دناڤبەرا هەردوو یاسایێن خانەنشینێن كارپێكری ل هەرێمێ ژمارە 27ـێ سالا 2006 و یاسایا خانەنشینائێكگرتییا فیدرال یا ژمارە نەهـ یا سالا 2024ـێ بەرچاڤكر، ئاماژە ب هندێ دا ب ششێوەكێ گشتی بجهئینانا یاسایا سالا 2014ـێ د بەرژەوەندییا خانەنشینێن هەرێمێ كو مووچە و شایستەیا وەكهڤ دكەت ل گەل بزاڤێن حكومەتا فیدرال ب تایبەت د ڕوویێ كێمترین كۆژمێ مووچەیێ خانەنشینان ل هەرێمێ كو ژ دەڤەرێن دی یێن عیراقێ كێمترە.
هەروەسا دانوستاندن ل دۆر بابەتێ مووچەیێ هەیزا شەش یێ مووچەخحۆرێن هەرێمێ و مووچەیێ هەیڤا پێنج و شەش یێ پێشمەرگە و ئاسایش و دووماهی پێشهاتێن هویر و پێداچوون د لیستا مووچەیێ هێزێن پێشمەرگەی ژ لایێ تیما هەڤپشك یا هەردوو دیوانێن چاڤدێرییا داراییا هەرێمێ و حكومەتا فیدرال كر.
جڤاتا وەزیران دووپات كر، كو پێدڤییە وەزارەت بەردەوام بن د هنارتنا لیستا مووچەی و تەرازییا پێدااچوونا هەیڤانە یا 10 ڕۆژێن ئێكێ یێن هەمی هەیڤان هەتا چ هێجەت نەمینن كو ببیتە ئەگەرێ پاشئێخستنا مووچەیێ هەیڤانە یێ مووچەخۆران.
هەر د كۆمبوونێدا، سەرۆكێ جڤاتا وەزیران ب ناڤێ جڤاتا وەزیران، پێشوازی ل روونكرنا ئەڤرۆ یا دادگەها بلند یا فیدرالی كر ل دۆر پشكداربوونا بانكێن حكومی و تایبەت د پرۆسا بانكیكرنا مووچەیێ هەرێما كوردستانێ هەژمارامن، پێدڤییە وەلاتییێن هەرێما كوردستانێ هەمان مافێ پشكێن دی یێن عیراقێ هەبیت د هەلبژارتنا ئەوان بانكێن دڤێن بۆ وەرگرتنا مووچەی.
جڤاتا وەزیران داخواز ژ مووچەخۆرێن هەرێما کوردستانێ كر كو ئەوێن هەتا نوكە پرۆسا چارچووڤێ هژمارا من تەمام نەكری ب زویترین دەم خۆ تۆماربكەن دا كو هەتا دووماهییا ئەڤسالە هەمی مووچەخۆرێن هەرێما كوردستانێ بهێنە تۆماركرن.
