وەزارەتا پێشمەرگەی دێ ناڤێن بەربژاران بۆ كۆلیژا ئەركان وەرگریت

وەزارەتا پێشمەرگەی یا حكومەتا هەرێما كوردستانێ دێ ناڤێن بەربژاران بۆ پشكدارییی د خۆلا 85ـێ یا كۆلیژا ئەركان ل بەغدا وەرگریت.

سەرۆكایەتییا ئەركان یا وەزارەتا پێشمەرگەی د ڕاگەهاندنەكێ دا دیاركر، داخواز ژ هێزێن 70و80ـێ یێن پێشمەرگەی و گشت ڕێڤەبەریێن سەر ب وەزارەتا پێشمەرگەی، فەرماندا زێرەڤانییێ، بەرەڤانی و هەوارهاتنێ، كۆلیژا ئەركان، فرقەیێن (4،3٫2٫1) و لیوایێن پیادە، بنگەهێن مەشقێ ل (سلێمانیێ، كەركوكێ، دهۆكێ) كر ناڤێن بەربژاران بۆ بهنێرن بوو پشكداریكرن د خۆلا 85ـێ یا كۆلیژا ئەركان ل بەغدا.

ل دووڤ ڕاگەهاندنا وەزارەتا پێشمەرگەی، ژ 15-07-2024، دێ دەست ب وەرگرتنا ناڤێن بەربژاران هێتە كرن بۆ خۆلا 85ێ یا كولیژا ئەركان ل بەغدا و دووماهی دەم بۆ وەرگرتنا ناڤان 01-12-2024ـە.

وەزارەتا پێشمەرگەی دبێژیت، پێدڤییە بەربژاران، ئەڤ مەرجە تێدا بێن:

1. بەكالۆریۆس ب زانستێن سەربازی.
2.خۆلا سەركردایەتیێ دووماهی ئینابیت.
3. ژیێ وی ژ 38 سالیێ زێدەتر نەبیت.
4. پلەیا سەربازی نقیب یان رائید بیت.
5. زمانێ عەرەبییێ بزانیت.