بڕیارە ئەڤرۆ دەمژمێر 2:00 ب ئامادەبوونا مەسرور بارزانی، سەرۆکێ حکومەتا هەرێما کوردستانێ ڕێورسمێ ڕاگەهاندنا ڕێنماییێن ڕێکخستنا کاروبارێن پەناخوازان ل هەرێما کوردستانێ بهێتە ئەنجامدان.
دهێتە زانین، ل هەرێما کوردستانێ 900 هزار و 467 ئاوارە و پەنابەر دناڤ و دەرەڤەی كەمپان دا دژین. ژ وێ ژمارێ، 269 هزار و 293 پەنابەرن و ژ وەلاتێن دی هاتینە هەرێمێ، ئەوژی 251 هزار و 475 پەنابەرێن سووری، 7 هزار و 796 پەنابەرێن تورکی، 8 هزار و 357 پەنابەرێن ئیرانی و 652 پەنابەر ژی فەلەستینی نە. ژبلی وێ ژی 10 هزار و 13 پەنابەرێن وەلاتێن دی یێن جیاواز هاتینە هەرێما کوردستانێ.
جهێ ئاماژێ یە 80% یا خەرجییێن ئاوارە و پەنابەران ل سەر ملێن حکومەتا هەرێمێ یە، کو دبیتە نێزیكی 842 ملیۆن دۆلارێن سالانە.
