دڤێت هه‌تا ده‌ستپێكا هه‌یڤا بهێت سه‌رۆكێ نوو یێ په‌رله‌مانێ عیراقێ بهێته‌ ده‌ستنیشانكرن

د. خالد ڕێكانى ئه‌ندامێ جڤاتا نوونه‌رێن عیراقێ بۆ ئاژانسا خانى دیاركر، ژلایێ قانوونیڤه‌ پێدڤییه‌ هه‌تا ده‌ستپێكا هه‌یڤا بهێت سه‌رۆكێ نوو یێ په‌رله‌مانى بهێته‌ ده‌ستنیشانكرن، لێ ئه‌گه‌ر لایه‌نێن سووننى نه‌گه‌هشتنه‌ چ ڕێككه‌ڤتنان، دێ هێته‌ پاشخستن.

گوت ژى: سه‌رۆك بارزانى د سه‌ره‌دانا خۆ یا ڤێ دووماهییێدا بۆ به‌غدا، هه‌موو لایه‌نێن سوونى كۆمكرن و لێك تێگه‌هشتنه‌ك و نێزیكبوونه‌ك دناڤبه‌را واندا په‌یداكر، ئه‌گه‌ر ئه‌و لایه‌نه‌ دناڤ خۆدا ل سه‌ر كاندیده‌كى ڕێككه‌ڤتن، چ ئاریشه‌ نابن و سه‌رۆكه‌كێ نوو ل جهێ محه‌مه‌د حه‌لبووسى دێ هێته‌ دانان.