جێگرا سەرۆکێ لژنا مافێ مرۆڤی و ئەنداما لژنا کۆچ و کۆچبەران ل پهرلهمانێ عێراقێ گۆت: حکومەتا عێراقێ بڕیارا ڤهگەڕاندنا ئاواران و داخستنا کەمپان ڕاگرت.
جوان عەبدوللا دبێژیت ژی: دووماهی دهم هاتبوو دانان كو ههموو کەمپێن ل ھەرێما کوردستانێ بهێنه داخستن و ل سلێمانییێ ههموو کەمپ هاتنه داخستن، بەلێ ل ھەولێر و دھۆکێ نههاتنه داخستن، ھەر ل دهستپێكێ ئەو بڕیارا هاتییه دان ئهو بابەته هاتبوو ب سیاسی کرن و وان دگۆت حکومەتا ھەرێما کوردستانێ ڕێگرە ل ڤهگەڕاندنا ئاواران، د دهمهكی دا زۆر جاران مه دگۆت کو حکومەتا ھەرێما کوردستانێ رێگر نینە، بەڵکو ئاوارە ژ ئهگهرێ نەبوونا خزمەتگوزاری و ئاڤەداننەکرنا دهڤهرێن وان ڤهناگەرن، بەلێ حکومەتا ھەرێما کوردستانێ بەردەوام دوپاتكرییه، پشتی سەقامگیرییا سیاسی و ئەمنی و ئاڤەدانکرنا دهڤهرێن وان، ئاوارە ب حهزا خۆ دێ ڤهگهرن، حەفتییهكێ بهری نوكه رێکخراوا مافێ مرۆڤی یا نێڤدەوڵەتی راگەهاند، رهوشا ئەمنی یا ئەوان جهان یا ئارام نینە كو ئاوارە ڤهگهرن و ههروهسا ل وان جهان چ خزمەتگوزاری تێدا نینن، ئهڤه بوویه بەڵگەیەک كو پێشتر ئەو ھەموو تۆمەتێن ئاراستەیی حکومەتا ھەرێما کوردستانێ دهاتنه دكرن، هاتنه ڕەدکرن.
