لیوا عه‌بدولخالق ته‌لعه‌ت: ل ھەموو کۆلیژێن سەربازی یێن عێراقی کوردان دێ پشک تێدا هه‌بیت

ئاژانسا خانی:

نوونەرێ حکومەتا ھەرێما کوردستانێ ل فەرماندەیا ئۆپەراسیۆنێن هه‌ڤپشكێن عێراقێ دیار كر: ب بزاڤێن سوپاسالاریێ پێشمەرگەیێ حکومەتا ھەرێما کوردستانێ” ژ ئه‌ڤۆ وێڤه‌ کورد ل ھەموو کۆلیژێن سەربازیی یێن عێراقێ دێ پشک هه‌بیت و كو ئه‌ڤه‌ پێشتر نەبوویه‌.

لیوا عەبدولخالق تەلعەت، زێده‌تر بۆ ئاژنسا خانی گۆت: ل عێراقێ بڕیار هاتییه‌دان ل ھەموو کۆلیژێن سەربازی پشكه‌كا قوتابییێن کورد بهێنه‌ وەرگرتن کو ل کۆلیژا پۆلیسان و سەربازییا ئێک و دو ل گەل کۆلیژا بەرگرییا نیشتمانی و سەرۆکاتییا ئەرکانان پێکدهێن، ئەڤە جارا ئێكێیە هژماره‌كا قوتابییێن کورد ل وان کۆلیژان دهێنه‌ وەرگرتن، له‌وا ھەر کۆلیژه‌كا سه‌ربازی ھەبیت و قوتابییان وەربگریت پشکا کوردان لدووڤ پارێزگه‌هێن ھەرێما کوردستانێ تێدا دێ هێته‌ دیارکرن.

ناڤهاتی گۆت ژی: پێشتر ل عێراقێ ئەو بڕیارە نەبوو، بەلێ ب بزاڤێن سەرەکی یێن فەریق عیسا عزێر سوپاسالارێ پێشمەرگەیی، شییان ئەو بڕیارێ بده‌ن، ساڵانە ل ھەموو کۆلیژێن سەربازی ڕێژەکا قوتابییێن کورد دێ هێنه‌ وەرگرتن.