رزگار حەمید شەریف
پشتی کو بهارا عەرەبی ل سالا ٢٠١١ گەهیشتە حومس و حەما ل سووریا، تاکێ بن دەستێ کورد دخوەست ڤێ دەرفەتێ ب کار بینە و شۆرەشەکا مەزن ل دژی نیزاما زۆردارا ئەسەد بکەت و نموونەیەکا وەک کوردستانا عێراقێ بۆ خوە دروست بکەت.
نیزاما ئەسەد ژ ترسێ بەرفرهەبوونا بەرەیا شەری و گهۆرینا رژێمێ، هەمی هێزا خوە برە دەڤەرێن عەرەبنشین کو شۆرەشکرن و ژ دەڤەرێن کوردنشین پاشکێشە کر و کوردستانا رۆژئاڤا بێ شەر و پێکدادان و ب تەوافوق تەسلیمی یەپەکە و پەیەد کر بۆ چەند مەرەمان و ب چەند مەرجام ژوان:
یەپەکە ناڤێ کوردستانا رۆژئاڤا یان کوردستانا سووریا کرە “رۆژئاڤا” و پەیڤا رۆژ ئاڤا چ پەیوەندیەک ب کورد و کوردستانێڤە نینە.
یەپەکە بۆ وێ چەندێ کو گەنج شۆرەشێ نەکەن “ تجنید اجباری” یان لەشکەریا کۆتەکی دەرکر. لەشکەریا کۆتەکی یا ئەسەدی و یەپەکێ وە کر کو گەنج ل سووریا برەڤن و کوردستانا رۆژئاڤا ژ گەنجان ڤالە بوو.
نیزاما ئەسەد گەلەک ب دیراسەت ئالا و هێما و رەسمێ پ ک ک و رێبەرێ گرتی ئوجەلان کرە دەستێن وان دا. نیزاما ئەسەد هزر کر کو پشتی کو شۆرەشا عەرەبی ل سووریا ڤەمرینن و ئەگەر کورد ب هێزتر ببە، تورکیا قەبوول ناکەت هێزەکا پرۆ پ ک ک ل سەر توخیبێن وێ حوکم بکەت.
پەیەدە ل گۆرەی فەرمانێن ئۆجەلان سیستەما هەڤسەرۆکی ب رێڤە دبەت. ل سەر دەمێ ئۆجەلان دەرڤەی زیندانێ، کەس نەشیا ناڤێ هەڤسەرۆکی بینیت. ئەڤە کارە ژیک بۆ وێ چەندێ یە کو سەرۆکەک کاریزماتیک ل کوردستانا رۆژئاڤا سەرنەهەلدەت.
پەیەدە و یەپەکە تا نوکە رێبەرێ گرتی یێ پ ک ک وەک سەرۆکێ خوە دبینن و فەرمان و رێنمایێن ژ ئیمرالی ب موهرا میتا تورکیا دەردکەڤن جێبەجێ دکەن.
