وەزارەتا دارایی و ئابووری یا حكومەتا هەرێما كوردستانێ، ئاگەهدارییەك ل دۆر وەرگرتنا باجێ ژ وەلاتییان بەلاڤکر.
وەزارەتا دارایی و ئابووریی دیاركر، ڕێڤەبەراییا گشتی یا باجێن خانووبەرێن میری، ب تنێ ژ وەرگرتنا ڤان جورە باجێن کو ل خوارێ ئاماژە پێ هاتینەدان، بەرپرسیارە و وەرگرتنا هەر كوژمەکێ پارەی ب ناڤێ باجێ ژ وەلاتییان ژبلی یێن مە، ئەم ژێ بەرپرسیار نینین
– باجێن کۆمپانیان: ئەڤ باجە ژ مفایێ وان کۆمپانییان دهێتە وەرگرتن، کو ژ ئەنجامێ چالاکیێن وان ل هەرێما کوردستانێ ب دەستكەفتی ب ڕێژا 15% ل دویڤ یاسایا باج و دەرامەتی ژمارە 113 سالا 1982 هەموارکریە.
-چ باجەك ناکەڤیتە ستویێ کۆمپانیایێ ئەگەر مفا نەکربیت.
-کۆمپانی ژ پرۆژێن وەبەرهێنانێ بۆ دەمێ 10 سالان ژ باجێ دێ هێتە بەخشین، ل هەر دەمێ پێشکێشکرنا خزمەتگوزارییان.
