سەرۆك مەسعود بارزانی پەیامەكا سەرەخۆشییێ بەلاڤكر و ڕاگەهاند، “مخابن نووچەیێ وەغەرا دووماهییێ یا تێكۆشەرێ ناڤدار فەریق نەعمان علوان یێ ناڤدار ب میلازم خدر گەهشتییە مە، میلازم خدر كەسایەتی و خەباتگێرەكێ حزبا شیوعی یا عیراقێ و نێزیكی بارزانیێ نەمر و دۆستێ دۆزا ڕەوا یا گەلێ كوردستانێ بوو و ژیانا خۆ ل پێشمەرگایەتی و خەباتێ ل دژی دیكتاتۆریەتێ تەرخان كربوو.”
سەرۆك بارزانی دیاركر، “بەهی و سەرساخییا خۆ ئاراستەی بنەمالە و كەسوكار و هەڤالێن خودێ ژێ رازی میلازم خدر و هەڤالێن وی ل حزبا شیوعی یا عیراقێ و تمامییا خەباتگێرێن عیراقێ و كوردستانێ دكەم و خۆ ب هەڤپشكێ خەما وان دزانم و ژ خودایێ مەزن دخوازم کو ڕۆحا خۆدێ ژێ ڕازی ب بەهەشتا بەرین شاد بكەت و سەبر و هەدارێ ژی بدەتە هەر لایەكێ. “
