عارف روشدی: هه‌كه‌ مه‌ ده‌ستووره‌ك هه‌با عێراق ژی نه‌د‌شییا هند كێشان بۆ هه‌رێمێ دروست بكه‌ت

ئاژانسا خانی:

عارف روشدی، شیره‌تکارێ مەکتەبا سیاسییا پارتی دیموكراتی كوردستان” بۆ ئاژانسا خانی دیار كر: پێدڤی بوو هه‌لبژارتنێن په‌رله‌مانێ كوردستانێ د ده‌مێ خۆدا هاتبانه‌ كرن” دیسان داباشتر بیت” ده‌مێ ئه‌نجامدانا هه‌لبژارتنان دهێته‌ دیار كرن” چ لایه‌ن كێشا بۆ دروست نه‌كه‌ن” داكو ئه‌و پرۆسه‌ وه‌كو پێدڤی بهێته‌ ئه‌نجامدان” دیسان هه‌لبژارتن ل وی ده‌می دهێنه‌ كرن” ده‌مێ كێشه‌یه‌ك دروست دبیت” یان لێكتێنه‌گه‌هشتنه‌ك دناڤبه‌را هێزێن سیاسی دا دروست دبیت” ل وی ده‌می دێ هه‌لبژارتن هێنه‌ كرن” چونكی ملله‌ت د هه‌لبژارتنان دا پشكدار دبیت و ده‌نگێ خۆ دده‌ت” د هه‌مان ده‌مدا ملله‌ت ژێده‌رێ ده‌ستهه‌لاتێیه‌ بۆ ئێكلاكرنا وان كێشه‌یێن دناڤبه‌را هێزێن سیاسی دا هه‌ین” یان ژی ده‌مێ حكومه‌ت رووبروو كێشه‌كێ دبیت” هزر ل ئه‌نجامدانا هه‌لبژارتنان دكه‌ت” چونكی هه‌لبژارتن باشترین چاره‌سه‌رییه‌” بۆ نه‌هێلانا كێشه‌یێن سیاسی” ل گه‌ل هندێ دڤێت لایه‌نێن سیاسی ئه‌نجامێن وان هه‌لبژارتنان قه‌بوول بكه‌ن.

ناڤهاتی گۆت ژی: هه‌كه ئه‌و‌ لایه‌نێن سیاسی یێن كو پشكدارییێ د هه‌لبژارتنان دا دكه‌ن” باوه‌ری ب هه‌رێما كوردستانێ و ملله‌تی و حوكومرانییه‌كا باش هه‌بیت” دێ ب ئه‌نجامان رازی بن” چونكی هه‌لبژارتن ئه‌و شێوازێ مه‌ده‌نییه‌ یێ كو بشێت” وان كێشه‌یان چاره‌سه‌ر بكه‌ت” به‌لێ هه‌كه‌ لایه‌نه‌ك ئه‌نجامێن هه‌لبژارتنان قه‌بوول نه‌كه‌ت” ئه‌و لایه‌نه‌ دێ كه‌ڤیته‌ ژێر گه‌له‌ك پرسیارانڤه‌.

عارف رۆشدی ئه‌و ژی گۆت: ئه‌و كارێ خه‌له‌ت یێ هاتییه‌ كرن” ئه‌و بوو” كو هنده‌ك لایه‌نێن سیاسی یێن هه‌رێمێ نه‌هێلا پرۆژێ ده‌ستوورێ هه‌رێما كوردستانێ سه‌ربگریت” پێدڤی بوو وی پرۆژه‌یی سه‌رگرتبا” چونكی ده‌ستوور یاسایێ بنه‌ره‌تییه و چ وه‌لات ژی بێی ده‌ستوور برێڤه‌ ناچن” ئه‌و پێنگاڤا به‌ری چه‌ندین سالان هاتییه‌ هاڤێتن گه‌له‌كا باشبوو” به‌لێ هنده‌ك لایه‌نێن سیاسی نه‌هێلا ئه‌و پرۆژه‌ بهێته‌ ئه‌نجامدان” هه‌ر چه‌نده‌ ل ناڤا په‌رله‌مانێ كوردستانێ خواندنا ئێكێ ژی بۆ هاتبوو كرن” به‌لێ هنده‌ك ئالییێن سیاسی نه‌هێلا ئه‌و پرۆژه‌ بهێته‌ په‌سه‌ند كرن” له‌وا هه‌كه‌ مه‌ وه‌كو هه‌رێما كوردستانێ ده‌ستووره‌ك هه‌بایه‌” پشكه‌كا زۆرا ژ ئەوان کێشێن هەین، یان ڕوو نەددان یا ژی دا ب ساناهی هێنه‌ یان چارەسه‌رکرن” له‌وا گه‌له‌ك یا فه‌ره‌ بۆ خولا داهاتی ئێك ژ ئارمانجێن سه‌ره‌كی یێن په‌رله‌مانتاران دارێژتنا ده‌ستووره‌كێ سه‌رده‌میانه‌ بیت بۆ هه‌رێما كوردستانێ” داكو ببیته‌ ژێده‌ره‌ك بۆ هه‌موو یاسایان و ببیته‌ لێڤه‌گه‌ره‌ك بۆ وان هه‌موو كێشێن دهێنه‌ ل پێشیا مه‌ و دیسان ئه‌وان كێشێن دناڤبه‌را مه‌ و حكومه‌تا به‌غدا دا هه‌ین” دیسان هه‌كه‌ مه‌ ده‌ستووره‌ك هه‌با” حكومه‌تا عێراقێ ژی نه‌دشییا هند كێشان بۆ هه‌رێما كوردستانێ دروست بكه‌ت.