مەسرور بارزانی، سەرۆکێ حکومەتا هەرێما کوردستانێ ئەڤرۆ پێشوازی ل ستیڤن بیتنەر، کونسۆلێ گشتییێ نوو ئەمریکا ل هەرێما کوردستانێ کر.
کونسۆلێ گشتییێ ئەمریکا ئامادەییا وەلاتێ خۆ بۆ پێشڤەبرن و بهێزكرنا پەیوەندییێن ل گەل هەرێمێ د هەمی بیاڤاندا دیاركر، هەروەسا بەحس ل ڕۆلێ گرنگ یێ هەرێما كوردستانێ كر و ئاماژە ب سەرەدانا فەرمییا سەرۆكێ حكومەتێ ل هەیڤا دوو یا ئەڤسالە كر بۆ وەلاتێ ئەمریكا كو ڕۆلەكێ گرنگ هەبوو د پێدانا ڕوونكرنا پێدڤی دەربارەی گوهۆرینان ل هەرێما كوردستانێ و عیراق و دەڤەرێ.
هەر د كۆمبوونێدا، ئامادەکارییێن ئەنجامدانا هەلبژارتنێن پەرلەمانێ کوردستانێ و چاکسازییێن وەزارەتا پێشمەرگەیی و گرنگییا چارەسەرکرنا ئاریشەیێن هەرێما کوردستانێ و حکومەتا فیدرال و دابینکرنا مافێن دەستووری یێن خەلكێ کوردستانێ و بجهئینانا ڕێككەڤتنا شنگالێ هاتنە گۆتۆبێژكرن.
