سەرۆکێ دەستەیا دەستپاکییا هەرێما کوردستانێ دبێژیت، ساڵانە نێزیکی 230 دۆسیەیێن گەندەلییێ ئێکلایی دکەن و کەسێن تۆمەتبار ژی دده‌نه دادگەهێ و ب كێمی ڤه 100 بەرپرسێن بلند لێکۆڵین ل گه‌ل دا هاتییه كرن.
حاکم ئەحمەد ئەنوەر، سەرۆکێ دەستەیا دەستپاکییا هەرێما کوردستانێ دیار كر ژی: دڤێت پڕۆسا دادگه‌هکرنا گەندەڵکاران بله‌زتر برێڤه بچیت، ئه‌ڤێ ژی پێدڤی ب زێده‌کرنا هژمارا لێکۆڵەرێن دەستەیا دەستپاکییێ هه‌یە و ب گشتی 20 بۆ 21 لێکۆله‌رێن دەستەیا دەستپاکییێ لسەر دوسیەیا گەندەلییێ ل کەرتێ گشتییێ هەرێما کوردستانێ دا کار دکەن” ئەو هژمارا لێکۆڵەران بۆ کەرته‌كێ گشتی ب پتری 800 هزار کارمەندان نەکو ب تنێ کێمە، بەلکو دڤێت ب كێمی ڤه سێ جاران هند ئه‌و هژماره بهێته‌زێده كرن” بۆ هندێ دەستەیا دەستپاکییێ بشێت ل هەموو ئیدارێن سەربەخۆ و جهان کار بکه‌ت.”
ناڤهاتی گۆت ژی: ساڵانە دووڤچوون بۆ 200 هه‌تاکو 230 دۆسیەیێن تایبەت ب گەندەلییێ ڤه دهێنه كرن و دهێنه رەوانەكرن بۆ دادگەهێ،
دەستەیا دەستپاکییێ ب هاریکارییا جڤاتا دادوەرییا هەرێما کوردستانێ دووڤچوونێ بۆ دۆسیەیا گەندەڵییا کارمەندان و بەرپرسێن حکومەتێ دكه‌ت، هه‌روه‌سا لێکۆڵین ل گەل پتری 100 بەرپرسێن بلند ل سه‌ر دۆسیەیێن گەندەلییێ هاتینه کرن و هژماره‌كا ژ وان هاتینه رەوانەكرن بۆ دادگەهێ.”
