ئەڤڕۆ ئێکشەمبی 25/8/2024 ێ، مەسرور بارزانی، سەرۆکێ حکومەتا هەرێما کوردستانێ، پێشوازی ل خالد موسا ئەلحنێفات، وەزیرێ چاندنا شاهنشینا ئوردنێ کر.
د وێ کۆمبوونێدا دانوستاندن دهربارەیی پێشڤهبرنا هاریکاری و هەماهەنگیێ د بیاڤێن ئاڵوگۆڕا بازرگانی و چاندنێ و پیشەسازيیا خوارنێ و بازاڕکرنا بەرههمێ چاندنێ دناڤبهرا هەردو ئالییان دا هاته کرن.
وەزیرێ چاندنا ئوردنێ، سڵاڤ و ڕێزێن شاهـ عەبدوڵلایی شاهێ ئوردنێ گههاندنه سەرۆکێ حکومەتێ و ئاماژە دا پەیوەندییێن دێرین و ب هێز یێن دناڤبهرا هەرێما کوردستانێ و ئوردنێ دا و ستایشا پێشکەڤتن و ئاڤەدانییا هەولێر و هەرێما کوردستانێ کر.
سەرۆکێ حکومەتێ سوپاس و پيزانینێن هەرێما کوردستانێ بۆ هاریکاری و پشتهڤانییا بەردەواما شاھ عەبدوڵلایی و حکومەتێ و گەلێ ئوردنێ دەربڕی، کو ل قووناغێن جودا دا پشتهڤانی ل هەرێما کوردستانێ کرییە، ئامادەییا حکومەتا هەرێمێ بۆ پتر پێشڤهبرنا پەیوەندیيێن دولایەنی نیشان دا.
ب چاڤدێری و سەرپەرشتيیا سەرۆکێ حکومەتێ، یاداشتهكا لێکتێگەهشتنێ دناڤبهرا هەردو وەزارەتێن چاندنا هەرێما کوردستانێ و شاهنشینا ئوردنێ، د بیاڤێن پێشڤهبرنا هاریکاری و هەماهەنگییا چاندنێ و پیشەسازيیا خوارنێ ئیمزا کر، کو بڕیارە د پێنگاڤێن ئێکێ دا، ئوردن هندهك ژ بهرههمێن چاندنێ یێن هەرێما کوردستانێ ژ وان ژی پتاتان، هاوردە بکهت.
