<h1 style="text-align: center;">دەمێ وەرگرتنا گەنمێ جۆتیارێن هەرێما کوردستانێ هەتا ١٨ی ڤێ هەیڤێ هاتە درێژکرن</h1> <h1 style="text-align: center;">رێڤەبەرێ گشتییێ بازرگانیا هەرێما کوردستانێ راگەهاند، ب هەماهنگی دگەل وەزارەتا بازرگانیا عیراقێ بڕیار هاتییە دان کو دەمێ وەرگرتنا گەنمی ژ جۆتیاران هەتا ١٨ی ڤێ هەیڤێ بهێتە درێژکرن، هەتا نوکە %٩٦ ژ وی رێژا گەنمێ بۆ هەرێمێ هاتییە دەستنیشانکرن، رادەستی سایلۆیان هاتییە کرن. نەوزاد شێخ کاملی، دیار کر، ل دەستپێکێ دەمێ دەستپێکرنا وەرگرتنا گەنمی ل سایلۆیان پاشکەفت، لێ ب هەماهنگی دگەل وەزارەتا بازرگانیا حکومەتا فیدرالی، بڕیار هاتە دان ماوێ وەرگرتنا گەنمی ژ جۆتیاران هەتا ١٨ی ڤێ هەیڤێ بهێتە درێژکرن. ناڤهاتی گۆت ژی: پرۆسە ب سەرکەفتیانە بڕێڤەدچیت و لدووڤ ئامارێن فەرمی، ئەو رێژا گەنمێ هاتییە وەرگرتن ب ڤی رەنگییە: پارێزگەها هەولێرێ: هەتا نوکە ١١٩ هزار و ٧٥٥ تەن ژ جۆتیاران هاتینە وەرگرتن. پارێزگەها سلێمانیێ: هەتا نوکە ١٤٢ هزار و ١٩٨ تەن ژ جۆتیاران هاتینە وەرگرتن. پارێزگەها دهۆکێ: ١١٠ هزار و ٨٢٦ تەن ژ جۆتیاران هاتینە وەرگرتن. هەروەسا هەتا نوکە ٣٧٢ هزار و ٧٨٠ تەنێن گەنمی رادەستی سایلۆیێن هەرێما کوردستانێ هاتینە کرن.</h1>
