ب پشتەڤانیا حکۆمەتا هەرێما کوردستانێ سالانە پێشانگەهەکا تایبەت یا بەرهەمێ تری و هنگڤینی دهێتە ڤەکرن ب مەرەما پەیداکرنا بازاری و نیشاندنا بەرهەمێ تری و هنگڤینی بۆ ئەڤ سالە ژی ب چاڤدێرییا د.عەلی تەتەر پارێزگارێ دهۆکێ،رێڤەبەرییا گشتی یا چاندنێ ل پارێزگەها دهۆکێ”لژێر دروشمێ كابینا نەهێ بەرەڤ چاندنەکا بهێزتر”هەڤدەهەمین فێستیڤالا تری و هنگڤینی ل رۆژا چارشەمبی رێکەفتی ٢٠٢٤/٩/١١ێ دەمژمێر ١١ سپێدێ ل فاملی مۆل دێ ساز کەت، د نوکەدا ب سەرپەرشتیا ئەحمەد جەمیل رێڤەبەرێ گشتی یێ چاندنێ ل پارێزگەها دهۆکێ لژنا ئامادەکار بەرهەڤیان بۆ ڤێ فێستیڤالێ دکەت.
بۆ هەڤدەهەمین فێستیڤالا تری و هنگڤینی یا ئەڤ سالەژی ٢٠ جوتیارێن خودان بەرهەمێ تری دگەل ٢١ هەنگەڤانان پشکدارن و پتری ٥٠ توخمێن تری هەروەسا هنگڤینێ سروشتی و خۆمالی یێن گوند و چیایێن کوردستانێ ژی تێدا دهێنە نیشاندان.
