پارێزگارێ دهۆکێ دیار كر: “دڤێت هەڵبژارتنێن پەرلەمانێ کوردستانێ لدووڤ یاسا و ڕێنماییێن کۆمیسیۆنا هەڵبژارتنێن عێراقێ بهێنه كرن.
ئه‌ڤرۆ” د. عەلی تەتەر، پارێزگارێ دهۆکێ پێشوازی ل شانده‌كێ لژنا سەرپەرشتییا هەڵبژارتنێن خولا شەشێ یا پەرلەمانێ کوردستانێ ل دهۆكێ كر.
ئه‌و شاندە ژ د. فه‌تاح محەمەد حسێن، ئه‌ندامێ جڤاتا کۆمیسیۆنێ و سەرۆکێ وێ لیژنێ؛ عه‌لى فه‌یسه‌ل ده‌حام، ئەمیندارێ گشتییێ کۆمیسیۆنێ د وێ لژنێ دا و خالد عەباس، رێڤەبەرێ ئۆفیسا دهۆکێ یا کۆمیسیۆنا بلندا هەلبژارتنێن عێراقێ، پێکهاتبوو.
د وێ کۆمبوونێ دا، دانوستاندن ده‌ربارەیی “ئامادەکارییێن بانگەشا هەڵبژارتنێن پەرلەمانێ کوردستانێ و ڕێکارێن ئەمنی و کارگێڕی ل سنوورێ وێ پارێزگه‌هێ بۆ سەرخستنا وێ پرۆسا دیموکراتی هاته کرن.”
