ئەڤرۆ ل سەلاحەددین سەرۆك مەسعود بارزانی پێشوازی ل د. محەمەد ئەلحەسان، نوونەرێ تایبەت یێ سکرتێرێ گشتییێ ڕێکخراوا نەتەوەیێن ئێكگرتی ل عیراقێ کر.
د دیدارێدا سەرۆك بارزانی پیرۆزباهی ل د. محەمەد ئەلحەسان کر و هیڤیا سەرکەفتنێ بۆ خواست د ئەرک و کارێ نویدا، هەروەسا دانوستاندن ل دۆر ڕەوشا سیاسی و پێشهاتێن عیراق و دەڤەرێ و هێرشێن بەردەم سەقامگیرییا عیراق و دەڤەرێ و ڕۆلێ یونامی د چارەسەرکرنا ئاریشەیان و بۆ بدەستڤەئینانا سەقامگیرییێ هاتەكرن.
پەیوەندییێن دناڤبەرا هەرێما کوردستانێ و حکومەتا عیراقا فیدڕال و هەروەسا هەلبژارتنێن پەرلەمانێ کوردستانێ و ئەنجامدانا وێ د سەقایەكێ ئارام و شەفاف تەوەرەكێ دی یێ كۆمبوونێ بوون.
