سوبه‌هى ڕۆژا ئه‌ینی 18/10/2024ێ، ده‌نگدانا تایبه‌ت بۆ هه‌لبژارتنێن په‌رله‌مانێ كوردستانێ دێ هێته‌كرن، ل دووڤ ئامارێن كۆمیسیۆنا بلندا سه‌ربه‌خۆ یا هه‌لبژارتنێن عیراقی، 2015 هزار و 960 ده‌نگده‌رێن تایبه‌ت كو دبیته 7.4%ێ یا ده‌نگده‌رێن هه‌رێما كوردستانێ، سوبه‌هى دێ ده‌نگێ خۆ ده‌ن.
ل دووڤ بریارا كۆمیسیۆنێ، ژبلى هه‌ر چار پارێزگه‌هێن هه‌رێما كوردستانێ، بۆ هێزێن ئه‌منى یێن ئه‌ركێ وان ژ ده‌رڤه‌ى سنوورێ هه‌رێما كوردستانێ، 12 بنگه‌هێن ده‌نگدانێ ل باژێرێن عیراقێ داناینه، كو چار ل پارێزگه‌ها نه‌ینه‌وانه‌ن سێ ل به‌غدا، هه‌ر ئێك ژ پارێزگه‌هێن، كه‌ركووك، ئه‌نبار، سه‌لاحه‌ددین، دیاله و واست بنگه‌هه‌ك.
