دبیت لایه‌نێن كوردستانى خۆ ژ پرۆسه‌یا سیاسییا عیراقێ ڤه‌كێشن

ل شه‌مبییا بهێت كۆمبوونه‌ك ل سه‌ر ئاستێ بلند دێ هێته‌كرن، هه‌موو نوونه‌رێن هه‌رێما كوردستانێ دناڤ حكومه‌تا عیراقێدا دێ هێنه‌ گازیكرن و به‌رچاڤ ڕوونكرنه‌ك ل سه‌ر پێنگاڤێن بهێن ب وان هێته‌دان، ڤه‌كێشان ژ حكومه‌تێ دێ ئێك ژ هه‌لبژارتنان بیت.

ل دووڤ زانیارییان، هه‌رێما كوردستانێ به‌رامبه‌ر نه‌هنارتنا بودجه‌یا تمام و ئاریشه‌یێن دارایى، گه‌فێن خۆ ڤه‌كێشانێ ل به‌غدا دكه‌ت، دووپاتییێ ل هندێ دكه‌ت، د سالا نوودا نابیت ب ڤى شێوه‌ى سه‌ره‌ده‌رى دگه‌ل فه‌رمانبه‌رێن هه‌رێما كوردستانێ بهێته‌كرن.

وه‌زیر، سه‌رۆكێن فراكسیۆنان و هه‌موو نوونه‌رێن هه‌رێما كوردستانێ دێ دڤێ كۆمبوونا چاره‌نڤیسازدا د پشكداربن.