سەرۆك بارزانی بۆ شاندێ ئیمرالی: ئاشتی تاكە ڕێیا درستە بۆ گەهشتنا چارەسەرییێ

بارەگایێ بارزانی ڕاگەهاند، سەرۆك مەسعود بارزانی ل پیرمام پێشوازی ل شاندێ ئیمرالی ب سەرۆكایەتییا پەروین بوكدان و سری سورەیا ئوندەر كر، ئەوی شاندی ناڤەرۆكا پەیاما عەبدولا ئۆجەلانی ب سەرۆك بارزانی گەهاند.
دەقێ ڕاگەهاندنێ:
ل ڕۆژا ئێكشەمبی 16/2/2025ێ، ل پیرمام سەرۆك مەسعود بارزانی پێشوازی ل شاندێ ئیمرالی ب سەرۆكایەتییا پەروین بولدان و سری سورەیا ئوندەر كر.
د دیدارا واندا، شاندێ مێڤان هزر و دیتنێن خۆ ل دۆر ڕەوشا سیاسی و پرۆسەیا ئاشتییێ ل توركیا و هووركاری و ئەنجامێن دیدارا وان دگەل عەبدوللا ئۆجەلانی بۆ سەرۆك بارزانی دیاركرن، هەروەسا شاندێ ئیمرالی دوێ دیدارێدا ناڤەرۆكا پەیاما ( عەبدولا ئۆجەلانی ) ب سەرۆك بارزانی گەهاند.
دهەمان دیداردا سەرۆك بارزانی زێدەباری ب خێرهاتنا شاندێ مێڤان، دووپاتی ل گرنگییا پرۆسەیا ئاشتییێ وەكو تاكە رێیا درست بۆ گەهشتن ب چارەسەرییێ كر، ب پێدڤی ژی زانی هەموو لایەك بزاڤێن خۆ چربكەن داكو پرۆسەیا ئاشتییێ بگەهیتە ئەنجامی، سەرۆك بارزانی ئامادەییا خۆ یا تمام بۆ هاریكاریكرن و پشتەڤانیكرنا پرۆسەیا ئاشتییێ ل توركیا وێ ڕاگەهاند.