1- خوارنا فێقی و زەرزەواتان: پێدڤییە گرنگی ب خوارنا فێقی و زەرزەواتان بهێتە دان ژبەركو ڕێژەیەكا مەزن یا ڕیشالان تێدایە، كو هاریكارن بۆ هەستكرن ب تێربوونێ بۆ دەمەكێ درێژ.
2- خوارنا دانێ تێشتێ: ژبەركو گرنگیدان ب خوارنا تێشتێ هاریكارە بۆ كێمكرنا كێشا لەشی، ب وی مەرجی، یا دەولەمەند بیت ب خوارنێن ساخلەم، وەكو ئارێ شۆفانێ و فێقییان.
3- دووركەفتن ژ ڤەخوارنێن غازی: بۆ دووربوونێ ژ زێدەبوونا كێشا لەشی و تووشبوون ب نەخۆشییا شەكرێ پشتی ژییێ 40 سالییێ، گرنگە ڤەخوارنێن غازی نەهێنە ڤەخوارن، ژبەركو كالۆرییێن وان د زێدەنە و ڕێژەیەكا بلند یا شەكرێ دناڤدایە.
4- ڕێڤەچوونا بلەز: پێدڤییە ڕۆژانە ب كێماتی دوو دەمژمێر بۆ كرنا وەرزشێ بهێنە تەرخانكرن، ب تایبەت ڕێڤەچوونا بلەز.
5- نەخوارنا خوارنێ ل بەر تەلەڤزیۆنێ: خوارن ل بەر تەلەڤزیۆنێ ژ كریارێن نە دروستە كو دبیتە ئەگەرێ زێدەبوونا كێشا لەشی، ژبەركو دبیتە ئەگەر مرۆڤ ڕێژەیەكا مەزن یا خوارنێ بخۆت بێی هەست پێ بكەت.
6- نڤستنا ڕێكوپێك: نڤستنا ڕێكوپێك، ژ كریارێن ساخلەمە بۆ هەموو تەمەنان، ب تایبەت پشتی ژییێ 40 سالییێ، ئەو كەسێن دەمژمێرێن دروست یێن خەوێ نە نڤن، ئەگەرێ تووشبوونا وان ب زێدەبوونا كێشا لەشی زێدەترە.
7- كرنا پشكنینا غوددێ: ئەگەر هەموو شیرەتێن هاتینە بەحسكرن هاتنە بجهئینان و كێشا لەشی یا زێدە بوو، پێدڤییە پشكنینا غوددێ بهێتە كرن. ژبەركو لاوازییا چالاكییا غوددێ ئێك ژ ئەگەرێن تووشبوونێ ب قەلەوییێ یە پشتی ژییێ 40 سالییێ.
ژێدەر: مالپەڕێ كۆنسۆلتۆ
