سه‌رۆك مه‌سعود بارزانى د په‌یامه‌كێدا پیرۆزباهى ل ئێكه‌تییا قوتابییان و ئێكه‌تییا لاوێن دیموكراتا كوردستانێ كر و ڕاگه‌هاند، قوتابى و لاوێن كوردستانێ هه‌ر ژ ده‌مێ دامه‌زراندنا ڕێكخراوێ و د قووناغا شۆره‌شا ئه‌یلوولێدا و هه‌تا نوكه، ڕۆلێ به‌رچاڤ د خه‌باتا گه‌لێ مه‌دا هه‌بوو، هه‌ردوو ڕێكخراو قوتابخانه‌یێن پێگه‌هاندنا ڕۆلێ هشیاركرنا سه‌ركرده‌یێن ب شیان و جهه‌كێ په‌روه‌رده‌ى بوون بۆ بزاڤا ڕزگاریخوازا كوردستانێ، لاوێن كوردستانێ ب ڕێیا خه‌بات و تێكوشانێ شه‌هید و قوربانى داینه.
سه‌رۆك بارزانی دیاركر، د ڤێ ڕۆژێدا ئه‌و چاڤه‌ڕێنه قوتابى و لاوێن كوردستانێ پابه‌ندى بهایێن بلندێن ڕێبازا كوردایه‌تی و نشتیمانییێ بن، د هه‌مانده‌مدا ب چه‌كێ زانست و داهێنانێ كار بۆ پێگه‌هاندنا گه‌نج و لاوێن باوه‌رى بخوو هەی بكه‌ن، ئێكه‌تییا قوتابى و لاوێن كوردستانێ هه‌رده‌م جهێ ئومێدێنه و دڤێت هه‌رده‌م ل ئاستێ چاڤه‌رێیا جڤاكى و دوزا ڕه‌وا یا گه‌لێ كوردستانێ بن.
