ب ههلكهڤتا 72 سالییا دامەزراندنا ئێكەتییا قوتابییێن کوردستانێ، ب گەرمی ل بەڕێزان سکرتێر و ئەندامێن سکرتارییەت و ئەندامێن ئێكەتییا قوتابییێن کوردستانێ پیرۆز دکەم و ھیڤییا سەرکەفتن و پێشکەفتنا بەردەوام بۆ دخوازم.
ئێكەتییا قوتابییێن کوردستانێ هەر ژ دامەزراندنێ قوتابخانا خەبات و ھشیارییا نەتەوەیی بوو، ڕۆلەكێ سەرەکی د پێگەهاندنا سەرکردە و کادرێن پێشکەفتیدا دیتییە، شانازییێ دکەم کو ڕۆژەکێ ژ ڕۆژان پشكەك بووم ژ ڤێ ئێكەتییێ و دگەل هەڤالێن خۆ یێن قوتابی د خزمەتا ئارمانجێن بلند دا كار كریە، ڤێ ئەزموونێ گرنگییا ڕێکخستنا قوتابییان و ب ھێزکرنا ھشیاری و باوەرا وان ب بنیاتدانانا جڤاك و نەتەوەیدا پشتڕاست کریە.
ئەڤرۆ سەرەرای ئەركێ وان ل بەرگریكرنێ ژ مافێن قوتابییان، بەرپرسیارەتییەکا مەزن د ستۆیێ وان دایە بۆ ئامادەکرنا نڤشەكێ ھشیار و بەرپرسیار کو باوەری ب بهایێن پێکڤەژیانێ و لیبوورینێ و ئێكڕێزییا نیشتمانی ھەبیت، ب زانست و تەکنەلۆجییایێ ئامادەبیت بۆ ڕووبڕووبوونا ئاستەنگێن سەردەم، بەردەوام پشتەڤانییا وان دکەین و مە باوەری ب شیانێن وان ھەیە کو د ھەموو بوارێن ژیانێدا د سەرکەفتی بن.
پاشەرۆژا کوردستانێ پشت ب زانستێ، زانیاری و داھێنانێ دبەستیت و قوتابی ھیڤی و بناغەیێ سەرەکییێ وەلاتینە، چاڤێ مە لێ یە پێشەنگ بن، پشكدارییێ د پێشکەفتنا جڤاكێ مەدا بکەن و مفای ژ ھەموو دەرفەتان وەربگرن بۆ پێشڤەبرنا خۆ و دەولەمەندکرنا ئەزموونێن زانستی و کولتووری.
د ڤێ بیرەوەرییێدا، ب ڕێز و پێزانینڤە شەھیدێن ئێكەتییا قوتابییێن کوردستانێ و ھەموو شەھیدێن کوردستانێ، ل بیر دئینین، سلاڤ ل هەموو قوتابییێن کوردستانێ.
