رێڤەبەرێ گشتییێ چاندنێ ل پارێزگەها دهۆکێ” بۆ ئاژانسا خانی دبێژیت: مەترسییا هشکەسالییێ ل سەر پرانییا زەڤییێن گەنمی ل پارێزگەها دهۆکێ كێمتر مایە” ب تنێ ئەو مەترسییە د دەمەكی دایە، كو ل ڤی وەرزێ بارینێ ب تنێ 109 میلیمەترێن بارانێ ل دهۆکێ بارینە، بەلێ ل وەرزێ بارینا بوری هەتاکو ڤی دەمی 509.3 ملیمەترێن بارانێ باریبوون.
ئەحمەد جەمیل، زێدەتر دبێژیت: ژ بلی سێمێلێ، هەموو دەڤەرێن دیتر یێن پارێزگەها دهۆکێ مەترسییا هشکەسالییێ ل سەر نەمایە، “راستە باران کێم بارییە، بەلێ وەكو پێدڤی و ل دەمێ پێدڤی دا بارییە؛ لەوما رەوشا گەنمی زۆر یا باشە.”
ل سنوورێ پارێزگەها دهۆکێ نێزیکی 900 هزار دۆنەمێن ئەردی بۆ چاندنا گەنمی هەنە” ئەحمەد جەمیل گۆت ژی، نێزیکی 150 هزار دۆنەمێن ئەردی ل سنوورێ قەزا سێمێلێ ژ ئەگەرێ کێم بارانییێ رەوشا ئەوان زەڤییێن گەنمی زۆر یا خرابە.
هەروەسا گۆت ژی: ئەڤ سالە مەترسییا هشكە سالییێ دێ ل سەر ژێدەرێن ئاڤێ هەبیت.
