دەستەیا وەبەرهێنانێ: ئەڤ سالە هەموو گەنمێ جۆتیارێن هەرێما کوردستانێ هاتییە وەرگرتن

دو کۆمپانیێن ناڤخۆیی یێن هەرێما کوردستانێ نێزیکی 40 هزار تەنێن گەنمی ژ جۆتیاران وەرگرتینە” كو ئەڤ سالە وەزارەتا بارزگانیا عێراقی،  400 هزار تەنێن گەنمى ژ جۆتیارێن هەرێما کوردستانێ وەرگرتینە” ئەو  گەنمێ مایی ژی ژ لایێ هەردو کۆمپانیێن ناڤخۆیی، “خۆشناو و قەیوان” ڤە ژ جۆتیاران هاتییە وەرگرتن.

د. محەمەد شوکری، سەرۆکێ دەستەیا وەبەرهێنانێ ل حکومەتا هەرێما کوردستانێ” دیار كر: پرۆسا وەرگرتنا گەنمێ جۆتیاران ژ لایێ ئەوان هەردو کۆمپانیێن ناڤخۆیی ب دووماهی هاتییە، وان كۆمپانیا نێزیکی 40 هزار تەنێن گەنمی وەرگرتینە و هندەك ژ وان جۆتیاران ل دەمێ ڕادەستکرنا گەنمی بۆ کۆمپانیێن خۆشناو و قەیوان، پارێن خۆ وەرگرتینە، ئەوێن هەتا نوكە ماین و وەرنەگرتین، ئەڤرۆ هەتا دو هەیڤێن دیتر دێ پارێ خۆ وەرگرن.

سەرۆکێ دەستەیا وەبەرهێنانێ” ئەو ژی گۆت: پێشتر مە ئاریشا وەرگرتنا گەنمێ جۆتیاران هەبوو، بەلێ ئەڤە پتری سێ سالایە هەر چ گەنمێ جۆتیاران هەبیت” ئەم وەردگرین و چ ئاریشە و دودلی و لدەف جۆتیاران نەمایە و نوكە جۆتیارێن مە ناچن گەنمێ خۆ ئەرزان بفرۆشن، ئەم گەنمی گرانتر ژ بهایێ بازاری ژێ دكرین.

هەژی گۆتنێ یە” كو سایلۆیێن سنۆرێ پارێزگەها سلێمانیێ دكەڤنە (گەرمیان، چەمچەمال، چارقوڕنە، پیرەمەگرون، سەیدسادق)، ل سنۆرێ پارێزگەها هەولێرێ ژی دو سایلۆ هەنە (هەولێر و قوشتەپە)، ل سنۆرێ پارێزگەها دهۆکێ ژی چار سایلۆ هەنە” ئەو ژی سایلۆیا (فەیدیێ، شێخان، زاخۆ، رۆڤیا).