وەزارەتا خواندنا بلند و ڤەکۆلینێن زانستی ناڤێن 33ــێ زانکۆیان بەلاڤ دکەت و دبێژیت:”ژبلی ئەڤان زانکۆیان چ زانکۆیەکا دی یا باوەرپێکری نینە ل هەرێما کوردستانێ”.
ئەڤرۆ ئێکشەمبی 28ــی ئەیلوولا 2025ــێ، وەزارەتا خواندنا بلند و ڤەکۆلینێن زانستی لیستا ناڤێن زانکۆ و سازییێن ئەکادمی یێن هەرێما کوردستانێ ب هەردوو کەرتێن حکومی و تایبەتڤە بۆ سالێن 2025 – 2026ــێ بەلاڤکر و ڕاگەهاند، ژبلی ئەڤان زانکۆ و سازیان چ زانکۆیەکا دی یا باوەرپێکری نینە.
وەزارەتا خواندنا بلند دبێژیت:”ئەڤ سالە بتنێ 16 زانکۆیێن حکومی دێ قوتابییێن کۆلیژ و پشکێن جودا وەرگرن، ژبلی جڤات و دەستەیەکێ کو تایبەتن بۆ بوارێ نوشداری و ڤەکۆلینێن زانستی”.
دەربارەی زانکۆ و پەیمانگەهێن تایبەت وەزارەتا خواندنا بلند ئاماژە کریە، ل گۆرەی یاسایا ژمارە 2 یا سالا 2013ــێ، وەزارەتێ مۆلەت ب 17 زانکۆ و کۆلیژە و زانکۆیێن تایبەت دایە ژ بۆ سالا نوو یا خواندنێ قوتابییان وەربگرن، هەروەسا دناڤدا 32 پەیمانگەهێن تایبەت ژی مۆلەتا کارکرنێ هەیە و ئەڤ سالە دشێن قوتابییان وەربگرن.
ڤێرە کلیک بکە:
