<h2>حكومەتا هەرێما كوردستانێ گاز بۆ قوتابخانەیێن هەرێمێ دابینكریە، ل پارێزگەها دهۆكێ دەست ب بەلاڤكرنێ هاتییە كرن.</h2> <h2> دلڤین حاجی ڕێڤەبەرا پەروەردەیا ڕۆژهەلات ل پارێزگەها دهۆكێ بۆ ئاژانسا خانی دیاركر، ئەوان دەست ب بەلاڤكرنا گازێ ل سەر قوتابخانەیێن سنوورێ پەروەردەیا ڕۆژهەلات كریە، دوهی و ئەڤرۆ گاز ب قوتابخانەیێن ژ دەرڤەی دهۆكێ هاتییە دان، سوبەهی ژی سەرباری كو ڕۆژا ئەینییە و دەوام نینە، لێ ئەو دێ ل سەر بەلاڤكرنێ د بەردەوامبن و بریارە 50 هزار لیتران دەنە قوتابخانەیێن سەنتەرێ باژێری.</h2> <h2> ئاماژە ب هندێ دا، 156 قوتابخانە ل پەروەردەیا وان هەنە، هەموو قوتابخانە دێ گازێ وەرگرن.</h2> <h2> ژلایێ خۆڤە ئوسمان سلێمان ڕێڤەبەرێ پەروەردەیا ڕۆژئاڤا بۆ ئاژانسا خانی ئاشكراكر، گاز بۆ پەروەردەیا وانژی هاتییە، ئەو دێ سوبەهی دەست ب بەلاڤكرنێ كەن، بۆ هەر پولەكا د قوتابخانەیاندا، 80 لیتر هاتینە دانان.</h2>
