هێزێن سووریا دیموکرات (هەسەدە)، د سالڕۆژا ڕزگارکرنا باژێرێ کۆبانێ ژ دەستێن ڕێکخراوا تیرۆرستییا داعش، ڕاگههاندنهك بەلاڤکر و تێدا دووپاتی ل سەر گرنگیا دیرۆکی یا وێ سەرکەڤتنێ و مەترسیێن قۆناغا نوکە کر.
د ڕاگههاندنێدا هاتییە؛
“شەڕێ کۆبانێ بەرگریکرن بوو ژ بهایێن مرۆڤایەتییێ، شکەستنا داعش شکەستنەکا ئایدیۆلۆژی و ئەخلاقی بوو کو دووماهی ب پڕۆژێ وان یێ توندڕەو ئینا، باژێرێ کۆبانێ یێ کو رۆژەکێ ڕەمزێ تێکشکاندنا داعشێ بوو، نوکە ڕووی ب ڕوویێ بزاڤێن هێرشکرن و گەمارۆدانێ دبیتەڤە ب مەبەستا تێکدانا سەقامگیریا دەڤەرێ، هەر نەبوونا سەقامگیرییەکێ ل باکوور و ڕۆژهەلاتێ سووریا، مەترسیەکا ڕاستەوخۆ بۆ سەر ئاساییشا دەڤەرێ و جیهانێ دروست دکەت.”
هێزێن سووریا دیموکرات داخواز ژ جڤاكێ نیڤدەولەتی کر بەرپرسیاریەتییا خۆ یا ئەخلاقی و قانوونی د پاراستنا دەستکەڤتێن شەڕێ تیرۆرێدا هەلگرن.
ئەڤ هۆشدارییا هەسەدە د دەمەکیدایه، کو ل 18ـێ کانوونا دوویێ یا 2026ـێ دا، ب پشتەڤانییا ئەمریکا، ڕێککەڤتنەکا نوو دناڤبەرا حکومەتا سووریا و هەسەدێدا هاتە ئیمزاکرن. ڕێککەڤتن یا تایبەت بوو ب ئاگربەستێ و ئێکخستنا بزاڤان بۆ بەرهنگاربوونا پاشمایێن داعش.
