<h2>فەرماندێ گشتییێ هێزێن سووریا دیموکرات (هەسەدە) ستاییشا رۆلێ نێچیرڤان بارزانی دکەت و دبێژیت، کو ئەو بەردەوام پشتەڤانێ گەلێ خۆ بوویە ل رۆژئاڤایێ کوردستانێ.</h2> <h2> مەزلوم عەبدی، فەرماندێ گشتی یێ هەسەدێ د پۆستەکێ دا ل سەر تۆڕا جڤاکیا (X) نڤیسییە: "کۆمبوونا من دگەل نێچیرڤان بارزانی، سەرۆکێ هەرێما کوردستانێ ل پەراوێزا کۆنفرانسا ئاسایشا میونشن، جهێ دلخۆشیەکا مەزن بوو."</h2> <h2> رۆژا ئێکشەمبی، 15-02-2026، نێچیرڤان بارزانی، سەرۆکێ هەرێما کوردستانێ ل میونشن پێشوازی ل مەزلوم عەبدی کر و کۆمبوون.</h2> <h2> مەزلوم عەبدی زێدەتر دبێژیت: "کاک نێچیرڤان بەردەوام پشتەڤانییا گەلێ مە ل رۆژئاڤا کرییە، رۆلێ جەنابێ وی د پێشخستنا دیالۆگێ، کێمکرنا ئالۆزیان و ب دەستڤەئینانا ئارامییێ دا، جهێ سوپاسی و رێزێ یە."</h2>
