د. دیندار زێباری: هێرشێن ل سەر هەرێما کوردستانێ تاوانێن شەرینە و بنپێكرنا یاسایێن نێڤدەولەتینە

د. دیندار زێباری، ڕێكخەرێ ڕاسپاردێن نێڤدەولەتی ل حكومەتا هەرێما كوردستانێ، ڕاگەهاند ئەو پێشهاتێن ئەمنی یێن پشتی ڕوودانێن ٢٨ێ شواتا ٢٠٢٦ێ ل هەرێمێ و ب تایبەت ل هەولێرێ ڕووداین، مەرەم ژێ تێكدانا تەناهییێ یە.

زێباری گۆت ژی: ئەو هێرشێن ب درۆن و مووشەكان دهێنە كرن بۆ سەر سازی و جهێن ئاكنجیبوونێ، بزاڤەکا ئاشكرایە بۆ ژناڤبرنا پێكڤەژیانا ئاشتیانە، د دەمەكێ دا كو هەرێما كوردستانێ نە پشكەکە ژ وان ململانێن ل دەڤەرێ دهێنە كرن.

ئەو ژی گۆت: ئەڤ كریارە نە ب تنێ بنپێكرنێن ئەمنی نە، بەلكو بنپێكرنا ئاشكرا یا ڕێككەفتنامێن مافێن مرۆڤی و یاسایێن نێڤدەولەتی و مرۆڤینە.

د. دیندار دیار كر كو ئەڤ هێرشە بووینە ئەگەرێ تێكدانا مافێن مەدەنی، سیاسی، ئابۆری و جڤاكی یێن وەلاتییان و ڕێگرن ل هەمبەر خزمەتگوزاریێن دەستپێكی وەك خواندن و ساخلەمییێ.