وەزارەتا سامانێن سرۆشتی یا حکومەتا هەرێما کوردستانێ راگەهاند، کو هەیڤانە دێ دو بوتلێن غازێ ب ڕێیا کارتا ئەلکترۆنی و ب بهایێ 8500 دیناران بۆ هەر بوتلەکێ دێ دەنە وەلاتییان.

ل دووڤ گۆتنا وەزارەتێ، ژ پێخەمەت کۆنترۆلکرنا بلندبوونا بهایێ غازێ و وەکی پێنگاڤا ئێکێ ل پارێزگه‌ها هەولێرێ: “رێڤەبەریا نەفت و کانزایان ل هەولێرێ ئەڤڕۆ 11ی ئادارا 2026ێ، ب ڕێیا بریکارێن گەڕۆک و ب کارتا ئەلکترۆنی، دەست ب بەلاڤکرنا غازێ ل سەر مالان کر.”

وەکی د راگەهاندنا وەزارەتێ دا هاتی: “ئەڤ پرۆسە دێ بۆ دەمێ 30 ڕۆژان یا بەردەوام بیت و وەلاتی دشێن ب ڕێیا ڤی سیستەمی و ب کارتا ئەلکترۆنی، دو بوتلێن غازێ ب بهایێ فەرمی یێ کو دبیتە 8500 دینار ژ بریکارێن گازی یێن گەڕۆک وەربگرن.”