مەسرور بارزانی سەرۆكوەزیرێن هەرێما كوردستانێ بەلاڤكر و ڕاگەهاند، شالاوێن خەمگین یێن ئەنفالێ، ئێك ژ دڕندانەترین كارێن جینۆسایدێ بوون كو ژلایێ ڕژێما پێشتر یا عیراقێڤە ب دژی گەلێ كوردستانێ هاتییە كرن، بوو ئەگەرێ بێسەرشوین بوون و شەهیدكرنا ب هزاران یا خەلكێ بێ تاوانێ كوردستانێ.
دەقێ پەیاما سەرۆكوەزیران:
شالاوێن خەمگین یێن ئەنفالێ، ئێك ژ دڕندانەترین شالاوێن نەژادی و جینۆسایدێ بوون كو ژلایێ ڕژێما پێشترا یا عیراقێڤە ب دژی گەلێ كوردستانێ هاتییە كرن و بوو ئەگەرێ بێسەروشوون بوون و شەهیدكرنا هزاران خەلكێ بێ تاوانێ كوردستانێ و ژناڤبرنا هزاران گوندێن كوردستانێ.
ئەڤ جینۆساید و كۆمەلكۆژییێن بەرامبەر خەلكێ كوردستانێ هاتینە كرن، پێدڤیە هەردەم ل هزرا مەبن و نەڤییێن مە بزانن دەستكەڤتێن نوكە ب ساناهی نەهاتینە و كەسێ خێر دگەل مە نەكرینە، بەلكو بەرهەمێ خەبات و خوینا هزاران شەهیدێن سەربلند یێن كوردستانێنە.
دڤێ هەلكەڤتێدا دووپات دكەین كو پێدڤییە حكومەتا عیراقێ بەرپرسیارەتییا خۆ یا ئەخلاقی و دەستووری بجهبینیت و ب شێوەیەكێ ژ هەژی قەرەبوویا بنەمال و كەسوكارێن شەهید و ئەنفالكرییێن كوردستانێ بكەت.
ل 38 سالییا ئەنفالێ، سلاڤ ل گیانێ یاقژێ ئەنفالكرییان و هەموو شەهیدێن كوردستانێ بن.
