<h2>نێچیرڤان بارزانی، سەرۆکێ هەرێما کوردستانێ ب ههلكهفتا 38 سالییا ئهنفالێ پهیامهك بهلاڤكر.</h2> <h2> دهقێ پهیاما سەرۆکێ هەرێما کوردستانێ؛ ئەڤرۆ ئەڤێ ڕۆژا ب ئازار بیر دئینین، ڤێ تاوانا ترسنۆك یا ڕژێما پێشتر یا عیراقێ ئەنجامدای، کو زێدەتر ژ 182 هزار زارۆك، ژن، زهلام و گەنجێن بێ تاوانێنێن کوردستانێ تێدا بوونە قوربانی، ئەنفال ب تنێ تاوانەك نەبوو، بەلکو بزاڤەکا ترسنۆك بوو بۆ ژناڤبرنا تهمامییا گهلهکێ ئاشتیخواز کو برینێن وێ تا نوکە ژی ل سەر جەستەیێ نیشتمانی ماینە.</h2> <h2> د ڤێ ڕۆژێدا، سەرێ ڕێزێ بۆ گیانێ پاقژێ شەهیدان دچەمینین، ل دویڤ بڕیارا دادگەها بلندا تاوانێن عیراقێ دووپات دکەینڤه، کو بەرپرسیاریەتییا حکومەتا فیدرال یا عیراقێیه کەسوکارێن قوربانییان ب ماددی و مەعنەوی قەرەبوو بکەت.</h2> <h2> ل سەر ئاستێ نێڤدەولەتی، د بزاڤێن خۆ دا د بەردەوامین بۆ هندێ ئەنفال وەك جینۆساید بهێتە نیاسین، وەك ئەرکەکێ مرۆڤی و نیشتمانی، د پرۆسەیا دویڤچوون و ڤهگهڕاندنا ڕووفاتێن پیرۆزێن شەهیدان ب باوەشا نیشتمانی خەمسارییێ ناکەین و یا د شیاناندا بیت دێ ئەنجامدەین دا کو خزمەتا زێدەتر ب کەسوکارێن ئەنفالکریان بهێتە کرن.</h2> <h2> د ڤێ ڕۆژێدا، دووپاتییێ ل سەر وێ چهندێ دکەین کو پاراستنا قەوارەیێ دەستوورییێ هەرێما کوردستانێ و دەستکەفتێن مە، ب تنێ دێ ب کارێ هەڤپشکێ هەموو لایەنێن سیاسی و پێکهاتان بیت، ئەڤە مەزنترین وەفایە بۆ خوینا شەهیدان و گەرهنتیا پاشەڕۆژەکا باشترە بۆ نڤشێ بهێت.</h2> <h2> سلاڤ بۆ گیانێ پاقژێ شەهیدێن ئەنفالێ و تەڤایا شەهیدێن کوردستانێ.</h2> <h2> نێچیرڤان بارزانی سەرۆکێ هەرێما کوردستانێ 14-04-2026</h2>
