فراکسیۆنا پارتی دیموكراتی كوردستان ل پەرلەمانێ عێراقێ، پیرۆزباهی ل عەلی زەیدی كر، ب هەلکەفتا ڕاسپاردنا وی بۆ پۆستێ سەرۆکوەزیرێن عیراقا فیدرال، هیڤیا سەرکەفتنێ بۆ دخوازیت د برێڤەبرنا ئەرکێن وی و پێکئینانا حکومەتا نوو دا.
ئەڤرۆ سێشەمبی، 28ی نیسانا 2026، فراکسیۆنا پارتی دیموکراتی کوردستان ل پەرلەمانێ عێراقێ، د پەیامەکێ دا پیرۆزباهی ل عەلی زەیدی کر ب هەلکەفتا ڕاسپاردنا وی بۆ پۆستێ سەرۆکوەزیرێن فیدرالی. هەروەسا فراکسیۆنێ هیڤیا سەرکەفتنێ د پێکئینانا کابینەیا نوو دا بۆ وی خواست.
د پشکەکا دی یا پەیاما فراکسیۆنا پارتی دا هاتیە:
قووناغا نوکە پێدڤی ب پەنابرنێ بۆ دەستووری و کارکرنا جددی هەیە بۆ ڕاستڤەکرنا ڕێڕەوێ سیاسی، ب شێوەکێ کو چارەسەرکرنا دۆسیەیێن هەلاویستی مسۆگەر بکەت.
دڤێت زمانی حیکمەتێ د بەرهنگاربوونا تەحەدییاتان دا یێ بالادەست بیت.
ئەو ژی گۆتییە: ئەم چاڤەڕێی قووناغەکا نوو یا هەماهەنگییا بەرپرسیارانە داینە، کو ببیتە ئەگەرێ چەسپاندنا هەڤپشکییەکا ڕاستەقینە د ڕێڤەبرنا دەولەتێ دا و بجهئینانا خواستێن هەموو گەلێ عێراقێ.”